O sindicato asegura nun comunicado que valora positivamente as medidas do Goberno ante a crise do coronavirus. Destacan especialmente “as axudas a parados sen protección, que superan o 30% o que supón máis de 819 traballadores da zona sur, ademais de todos os ERTES (expedientes de regulación temporal de emprego) que temos solicitado á Consellería de Economía e que no sector servizos, hostalería e comercio son maioría nas comarcas de Lemos, Quiroga e Chantada (1.200 traballadores sen contar despidos individuais).”
O sindicato informa aos traballadores que “se lles obriga a coller vacacións que non poden ser impostas polo empresario, pero si pactadas cos empregados se hai acordo”. CCOO denuncia a falta de equipos de protección individual en moitas empresas e concellos, así como a falta de alcohol sanitario en moitos centros de traballo, especialmente no sector da limpeza viaria e nalgúns centros de maiores.
O sindicato pon a disposición de traballadores e delegados un teléfono de consulta para dúbidas sobre vacacións, ertes, equipos de protección, despidos,…
En Lugo: 982 23 19 75 982 22 11 81 649 80 95 41
En Monforte: 690 24 56 06
