HomesociedadeVÍDEO: ‘Unidos polo coronavirus’ (Los Jinetes del Trópico)

VÍDEO: ‘Unidos polo coronavirus’ (Los Jinetes del Trópico)

O grupo de música monfortino aproveitou este confinamento para facer unha canción colaborativa con outros músicos/as que lles mandaron vídeos do que estaban facendo nas súas casas nestes tempos de corentena.

Publicado o

- Advertisement -

O título do videoclip é “Unidos por el Coronavirus”, e este foi o resultado:

Aproveitamos para contactar con Antonio García, alias ‘Toñyto’, un dos integrantes da formación, para preguntarlle catro cousas en relación ao grupo.

Tiñades moitos bolos pechados estes meses?

Por sorte ou por desgraza tíñamos programado o inicio de xira que nos ía a levar ata Compostela, Mos, Cambados ou A Coruña, pero o primeiro é a saúde e estamos totalmente comprometidos coa situación actual.

Como facedes para ensaiar?

Nós facemos os nosos ensaios no pobo de Rosende, aínda que previamente producimos todo o noso directo na casa, xa que gran parte do noso concerto contén música electrónica. Nos ensaios adoitamos simular o ambiente que imos atopar no festival ou sala que toque actuar… E para iso sempre temos algo de público e o equipo máis parecido que vaiamos empregar.

A idea de facer o vídeo, por animar e/ou pasar o tempo?

Fixemos o videoclip porque tíñamos a canción feita… Realmente esta situación inspirounos e estamos a producir moito material novo con todas as horas libres que temos. Por outra banda tíñamos a canción lista, pero faltábanos a imaxe. Como non podiamos saír, pensamos que era boa idea facer un chamamento para que a xente participara. E realmente quedamos abraiados co retorno, pois foron máis de 60 vídeos en 48 horas os que recibimos para elaborar esta peza.

“Realmente esta situación inspirounos e estamos a producir moito material novo con todas as horas libres que temos”

Como vedes o futuro próximo? E o non tan próximo?

O futuro próximo vémolo recuperando os concertos que perdemos e repartindo ledicia ao noso público. O futuro non tan próximo vémolo exactamente igual… Tocando…gravando, producindo…sexa como sexa pero sempre con música.

 

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...