A Garda Civil auxilia a un veciño da localidade de Sarria (Lugo) de 80 anos de idade, que é localizado desorientado ás 22.30 horas do pasado día 20 na localidade lucense de Samos, conducindo o seu turismo. No momento da súa identificación, o octoxenario cría que eran as 08.00 horas da mañá e que se dirixía ao centro médico da localidade de Sarria para que lle administrasen un fármaco para problemas cardíacos.

Segundo informan desde a Garda Civil, en primeira instancia avísase a unha ambulancia para valorar o seu estado de saúde e o seu traslado, se procede, ao seu domicilio. Intervéñense as chaves do turismo por constituír un manifesto risco para a circulación, tendo en conta as súas condicións psicofísicas, e o feito de posuír un permiso de condución alemán que nunca foi trocado en España e por tanto non foi sometido a un recoñecemento psicofísico de actitudes.

Esta persoa carece de familiares na zona e dado a súa situación de risco infórmase á concellería de servizos sociais do Concello de Samos (Lugo).