Axudas de emerxencia social en Folgoso do Courel

O Concello de Folgoso do Courel pon en marcha liñas de axuda para emerxencia social e para apoiar aos autónomos do municipio que perderon o emprego nesta crise sanitaria.

Folgoso do Courel reunión / Concello de Folgoso do Courel

O Concello de Folgoso do Courel convocará un pleno extraordinario para aprobar a incorporación de remanente para destinar fondos a emerxencia social. Farase unha modificación de créditos coa finalidade de «conceder axudas de emerxencia social ampliando a dotación das partidas destinadas a garantir ingresos suficientes ás familias para asegurar a cobertura dás súas necesidades básicas, xa sexan estas de urxencia ou de inserción».

O concello destinará a gasto social o 20% do superávit orzamentario do 2019. Proximamente publicaranse as bases nas que se indicará como solicitar produtos de primeira necesidade.

O goberno municipal quere destinar tamén a estas iniciativas, os aforros dos plenos e xuntas de goberno que non se puideron celebrar durante os pasados meses, ao que se engadirán os descontos correspondentes dos salarios do concelleiro de Obras e da alcaldesa na mesma contía.

Os responsables municipais estudan a posibilidade de incorporar crédito co obxectivo de crear unha bolsa de emprego que permita contratar aos veciños do municipio que perdesen os seus traballos.

DEIXAR UN COMENTARIO

Please enter your comment!
Please enter your name here