Tanto os empregados públicos que viñeran realizando teletraballo como aqueles cuxa función foi cualificada como actividade esencial de xeito rotatorio polo Decreto de Alcaldía do 16 de marzo de 2020, reicorporaranse ó seu traballo de forma ordinaria a partir do 25 de maio.
En todos os casos, na reincorporación do persoal municipal ós seus postos de traballo tense en conta a existencia dos colectivos clasificados como grupos vulnerables para COVID-19 polo Ministerio de Sanidade, no seu documento “Información científico-técnica, enfermedad por coronavirus, COVID-19”, no que se recolle que estarán exceptuados de reincorporarse nunha primeira etapa aquelas persoas diagnosticadas con diabetes, enfermidade cardiovascular, (incluída a hipertensión), enfermidade pulmonar crónica, inmunodeficiencia, cancro en fase de tratamento activo, así como mulleres embarazadas e maiores de 60 anos.
Toda vez que o Goberno de España anunciou o inicio das fases de desescalada, “dende o Equipo de Goberno do Concello estimamos convinte”, segundo traslada o Alcalde, “ir recuperando a normalidade no ámbito administrativo, e, en consecuencia, os empregados públicos municipais iranse paulatinamente reincorporando ó traballo presencial, iso si, coa adopción das garantías precisas para que nin a súa saúde, nin a saúde dos cidadáns véxanse postas en perigo por dita reincorporación”.
