HomesociedadeA provincia rexistra 166 casos activos mentres o hospital de Monforte segue...

A provincia rexistra 166 casos activos mentres o hospital de Monforte segue libre de coronavirus

Catro persoas permanecen na Uci e outras dúas están ingresadas en planta. Sanidade contabiliza 710 persoas curadas a data de 9 de maio.

Publicado o

- Advertisement -

A área sanitaria de Lugo rexistra este sábado 9 de maio un total de 166 casos activos por coronavirus, un menos ca os contabilizados onte. Redúcese, así mesmo, a listaxe de persoas positivas atendidas nos hospitais, segundo a Consellería de Sanidade. No Hospital Comarcal de Monforte, segue sen haber ningún paciente co virus.

En concreto, permanecen catro persoas nas Unidades de Coidados Intensivos (-2). Todas elas están na do HULA, mentres que na do Hospital da Mariña seguen ingresadas dous pacientes que contraeran o virus pero que agora mesmo xa son negativos nas probas de COVID-19.

Por outra parte, dúas persoas continúan hospitalizadas en planta: unha no Hospital Universitario Lucus Augusti e outra —o patrón do Notre Dame— no Hospital da Mariña.  O groso da listaxe séguena ocupando os positivos que están a ser atendidos nos seus domicilios: son 160, un máis ca no día de onte.

Ademais, Sanidade informa de 710 persoas curadas —con negativo no test PCR ou sen síntomas pasado un tempo—. Ata o momento, producíronse 27 falecementos na provincia.

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...