HomesociedadeDomusvi de Bóveda, único centro do sur da provincia con casos activos...

Domusvi de Bóveda, único centro do sur da provincia con casos activos da Covid19

Na zona sur da provincia as residencias de anciáns están agora libres da Covid19 e déronse 2 novas curacións nos centros de atención a persoas con dicapacidade; a dun traballador da Domusvi de Bóveda, que segue tendo 10 usuarios infectados e 4 traballadores; e a dun traballador da vivenda Agora de Monforte.

Publicado o

- Advertisement -

Este mércores, 13 de maio, a provincia de Lugo conta con 124 casos activos de coronavirus, 9 menos ca onte, dos que 4 están na UCI, igual ca onte; todos eles no HULA.

1 persoa segue en hospitalización na provincia, igual ca onte. A persoa hospitalizada está no HULA. O Hospital Comarcal de Monforte mantense desde o día 15 de abril sen hospitalizados por Covid19.

119 persoas están nos seus domicilios con diagnóstico positivo, 9 menos ca onte. Desde o comezo da crise, na provincia lévanse producido 757 altas e mantéñense os falecementos en 27.

Na zona sur da provincia, as residencias de anciáns están agora libres da Covid19 e déronse 2 novas curacións nos centros de atención a persoas con dicapacidade; a dun traballador da Domusvi de Bóveda, que segue tendo 10 usuarios infectados e 4 traballadores. Tamén vén de dar curado na Covid19 un traballador da vivenda Agora de Monforte que figuraba como caso activo en coronavirus desde finais de marzo,  cando Política Social comezaba a remitir os casos activos nestes centros e nas residencias.

Os casos activos de coronavirus COVID-19 en Galicia volveron a descender, con 143 menos que a xornada do martes –unha redución do 6%–, ata situarse nos 2.179, mentres que os pacientes curados ascenden a 7.996.

Dos 2.179 casos activos na Comunidade galega, 565 corresponden á área sanitaria de Vigo; 532 á da Coruña; 436 á de Santiago; 333 á de Ourense; 124 á de Lugo; 110 á de Pontevedra e 79 á de Ferrol. O número de PCR realizadas ata a data ascenden a 118.665, fronte ás 117.001 da xornada anterior.

ÚLTIMAS

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...