Sarria celebra dúas importantes efemérides, o bicentenario da constitución do Concello sarriao (1820-2020), e o centenario da adquisición da actual Casa Consistorial.

No acto, arredor da alfombra floral personalizada, o profesor e escritor local, Xaime Félix López Arias, falará deste período da historia mentres que a Asociación Cultural Peleriños ofrecerá o seu repertorio de música e baile tradicional como ten por costume facelo no día de Corpus.

A tradición actual estará representada por unha alfombra deseñada por Hernando Caldeiro, que capitanea aos alfombristas cun deseño que homenaxe ao Concello de Sarria.

Dende o concello comentan que “o ano que vén esperamos que os nosos artistas da Arte Efémera poidan asombrarnos e emocionarnos co seu traballo e sexamos moitos e moitas os/as que colaboremos con eles para manter esta fermosa tradición”.