HomesociedadeComezan as obras da vía de acceso a Tor no concello de...

Comezan as obras da vía de acceso a Tor no concello de Monforte

En marcha o acondicionamento da vía de acceso ás instalacións provinciais de Tor, no concello de Monforte, ó que a Deputación Provincial destina 480.000€. O prazo de execución é de seis meses.

Publicado o

POR
Redacción
- Advertisement -

Co inicio destas obras cúmprense as previsións feitas polo Presidente, quen subliñou ademais que responde ao compromiso que expresou de impulsar e poñer en valor o complexo de Tor para convertelo nun referente para o sector primario con actividades vinculadas coa produción ecolóxica e a formación universitaria.

“Hai máis de dez anos, no 2009, a Deputación procedeu á mellora do primeiro tramo, que é o que enlaza a estrada provincial LU-P-3207 coa da Xunta, a LU-617. Agora reactivamos este proxecto e completaremos o arranxo da pista, ata chegar ao Aulario do Pazo de Tor”, explicou José Tomé. 

Ademais, dotarase, tanto ao enlace coa LU-617, como a todo o tramo completo de máis 3 quilómetros, do pavimento definitivo a base de mestura asfáltica en quente. 

Pola súa banda, a actuación dentro da finca de Tor consistirá nun novo vial ata o Aulario, con novos accesos, unha rotonda para cambiar o sentido da circulación e estacionamentos para coches e autobuses.  O Presidente da Deputación destacou que esta é unha obra importante porque “queremos impulsar e poñer en valor a finca de Tor”. O Pazo “xa é un referente para o noso turismo. É unha peza clave na Rede Museística Provincial que debemos espremer aínda máis, co fin de potenciar o noso patrimonio”.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...