A Asociación de Comerciantes, Empresarios, Profesionais e Autónomos de Sarria (ACES)- CCU pon en marcha esta campaña a través da platafoma de fidelización da que dispón dende o pasado mes de setembro “Clube CCU Sarria”, posta en funcionamento coa colaboración da Federación Galega de Comercio.

O 21 de setembro poránse en xogo seis tarxetas prepago de 50 € para mercar nos establecementos do clube, polas compras rexistradas entre o 15 de xullo e o 15 de setembro. O sorteo celebrarase na sede da Federación Galega de Comercio de xeito telemático.

Para poder participar, os clientes teñen que estar rexistrados na plataforma “Club CCU Sarria” (é totalmente gratuito) e realizar as compras nos comercios pertencentes o mesmo clube nas datas sinaladas.

O obxetivo desta promoción é premiar a fidelidade dos clientes, e fomentar as compras e incentivar o consumo nos establecementos integrados no clube ccu sarria, e asimesmo, promocionar dito clube de fidelización, a fin de que máis establecementos e clientes se sumen ao mesmo, dadas as súas vantaxes e as campañas que organiza.