IniciosociedadeSober xa ten logo, deseño de Esteban Carbajo

Sober xa ten logo, deseño de Esteban Carbajo

O Concello de Sober vén de presentar a que será a súa imaxe gráfica tras resolverse o concurso correspondente. Ademais, súmase tamén ao programa 'Xantar na Casa', servizo de reparto de comida a domicilio para maiores dependentes ou en risco de exclusión.

Publicado o

POR
Redacción
- Advertisement -

O xurado do concurso de deseño dun logotipo que identifique e promocione ao Concello de Sober vén de reunirse para decidir por unanimidade que a persoa gañadora fora Esteban Carbajo Gómez, residente en Nigrán, Pontevedra. O gañador recibirá 500 euros como premio.

O xurado valorou que o logotipo recolla a esencia do municipio, tal e como fixaban as bases, tendo en conta os seus sinais de identidade: os seus recursos naturais e turísticos, as peculiaridades dos seus sectores produtivos e os seus valores culturais. Tamén se pedía que o deseño incluíra a palabra Sober.

A proposta foi elixida de entre máis de cen enviadas por 82 participantes (cada participante podía enviar o número de orixinais que considerara). En concreto, chegaron propostas de todas as provincias galegas, así como do resto do Estado; Madrid, Barcelona, Murcia, As Palmas, Asturias, Zaragoza… Tamén houbo concursantes de fóra de España, de Irlanda ou México.

O alcalde de Sober, Luis Fernández Guitián, valora “o interese” que espertou o concurso e alta participación, así como o alto nivel dos orixinais que enviaron os concursantes. O logo será usado polo Concello como complementario ou substituto do escudo municipal.

xantar na casa / concello de Sober

Xantar na casa

O programa xantar na casa de reparto de comida a domicilio busca facilitar e garantir unha alimentación de calidade adaptada ás necesidades de persoas maiores dependentes ou en risco de exclusión para cubrir as súas necesidades básicas relacionadas coa alimentación.

A Xunta asume o 50% dos gasto, a través da Consellería de Política Social, o 25% o Concello e o outro 25% a persoa que se incorpora ao servizo. “É un dos compromisos que figuraban no programa electoral que vén de ser cumprido”, precisa o alcalde.

Empezou atentendendo aos 3 primeiros usuarios/as e está prevista a incorporación de novos domicilios nos próximos días.

ÚLTIMAS

Sesión informativa sobre cambios normativos que lle afectan ás persoas con dano cerebral

A Federación Galega de Dano Cerebral (FEGADACE) vén de editar unha 'Guía legal' que recolle os principais...

Bóveda e A Pobra do Brollón acollen os actos de ‘conmemoración do combate de Repil’, episodio de represión franquista en Cereixa

O sábado, 20 de abril, terá lugar unha nova celebración dun acto pola recuperación...

34 candidaturas para a Gala do Deporte de Monforte

O pasado 29 de marzo remataba o prazo para inscribirse na convocatoria, foron 34...

Comezan as obras da residencia da Pobra do Brollón

A empresa Construcciones Castro Figueiró S.L.U. é a encargada de acometer os traballos, que...