IniciosociedadeAmplíase a ruta de autocar entre Láncara e Sarria

Amplíase a ruta de autocar entre Láncara e Sarria

A Consellería de Infraestruturas e Mobilidade vén de autorizar a prolongación da liña de transporte público por autocar que, ata o momento, unía a localidade do Pacio, en Láncara, coa de Sarria. Autorízase a creación dunha nova parada ao inicio da ruta, na marquesiña da Pobra de San Xiao, desde onde continuará ata rematar no IES Xograr Afonso Gómez de Sarria.

Publicado o

POR
Redacción
- Advertisement -

A prolongación da ruta suporá un incremento de 6 minutos na duración total do desprazamento, que se completará entre 15 e 20 minutos. Son 4 quilómetros adicionais nunha expedición de ida e volta, que se se desenvolve, durante o período lectivo, de luns a venres con saída ás 8.10 horas e regreso ás 14.40 horas.

A prolongación da ruta entre A Pobra de San Xiao e Sarria tamén continuará fóra do curso escolar os venres en horario de 8.30 horas e regreso ás 13.30 horas.

As paradas previstas son a marquesiña da Pobra de San Xiao, O Pacio, Crecente, Santa María do Vilar, Betote, centro de saúde de Sarria, CEIP Frei Luís de Granada e IES Xograr Afonso Gómez de Sarria.

Esta medida resposta ás demandas formuladas desde a dirección do instituto de Sarria tras constatar que unha parte do alumando que finaliza os seus estudos de Secundaria no CPI Ramón Piñeiro de Láncara adoita continuar a súa formación académica de Bacharelato e Ciclos Formativos no IES Xograr Alfonso Gómez de Sarria. Ata o momento non existía ningún servizo de transporte público por autocar cun horario compatible que permitira desprazarse aos devanditos centros de ensino.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...