InicioTerra de LemosO SaviñaoAxudas para programas de conciliación

Axudas para programas de conciliación

A Xunta amplía a liña de axudas destinadas a concellos para financiar programas de conciliación familiar. Nesta segunda aportación os concellos de Taboada e O Saviñao estarán entre os beneficiados.

Publicado o

POR
Redacción
- Advertisement -

A Administración autonómica incrementou o orzamento deste programa co fin de chegar a máis concellos galegos, tendo en conta a demanda rexistrada e o elevado interese que xeran as accións de fomento da corresponsabilidade entre mulleres e homes a través de medidas que aposten pola conciliación da vida persoal, laboral e familiar.

Os novos beneficiarios, Ourol, O Saviñao, Baralla e Taboada, percibirán axudas por un importe conxunto de 34.140 euros. No caso dos concellos do sur de Lugo, O Saviñao a proveitará os 12.000 euros concedidos para financiar unha aula de verán e Taboada destinará 8.577 euros para actividades da época estival.

Na convocatoria resolta este ano, a Xunta xa aprobara inicialmente axudas que suman 163.700 euros para desenvolver programas de conciliación nos seguintes municipios lugueses: Alfoz, Antas de Ulla, Becerreá, Castroverde, Cervo, Xermade, Guitiriz, Guntín, O Incio, Mondoñedo, Outeiro de Rei, Palas de Rei, Pol, Rábade, Sober e O Valadouro.

Ademais deste programa de conciliación, a Xunta puxo a disposición dos concellos galegos outros tres programas relacionados coa igualdade:  de promoción da igualdade entre mulleres e homes e prevención e tratamento da violencia de xénero; de financiamento dos Centros de Información ás Mulleres (CIM); e de sensibilización, información e difusión sobre igualdade e prevención da violencia contra as mulleres. O financiamento dos devanditos programas vai a conta do Fondo Social Europeo e do Pacto de Estado Contra a Violencia de Xénero.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...