Os casos activos de COVID-19 en Galicia incrementáronse en 146 máis nas últimas horas, ata alcanzar os 2.452, segundo os datos actualizados que deu a coñecer este luns a Consellería de Sanidade, que tamén confirmou o aumento de pacientes hospitalizados, que pasa de 76 a 82. 12 pacientes con coronavirus están na UCI en Galcia.
Así, o Sergas confirmou que a área sanitaria da Coruña mantense como a máis afectada, con 1.236 casos (29 máis que hai 24 horas), seguida pola área de Lugo, con 321 casos (17 máis) e a de Santiago, con 274 casos rexistrados (62 máis). Na área sanitaria de Ourense, este luns notificáronse 212 casos (9 máis); outros 155 na área de Vigo (un máis); 141 casos na área de Pontevedra (21 máis); e 113 casos activos na área de Ferrol (7 máis). Toda a información no Lugo Xornal.
