O rexedor monfortino tamén confirmou que “non hai ingresados en relación con este brote”, aínda que si hai un paciente no Hospital Comarcal de Monforte que pertence á residencia de maiores do Incio.

Nestes momentos están a facer probas en establecementos de hostalería da zona centro. Os hostaleiros recibiron as citacións do Sergas “telefonicamente” nas que tamén lles pedían “pechar os locais” ao público. Por este motivo, o alcalde de Monforte solicitou unha “maior fluidez na comunicación” por parte da Consellería de Sanidade. “Informar é positivo para todos, porque non hai nada que esconder: os positivos son os que son”, advirte Tome.

O rexedor monfortino avanzou así mesmo que, segundo os técnicos, “o pico de contaxios alcanzarase a finais desta semana ou principios da próxima” e, a partir dese momento, “empezarán a baixar os casos”. “O mellor é que as ramificacións do brote están localizadas e son todas do mesmo ámbito, entre a rúa Duquesa de Alba e outros barrios da zona centro”.