O PSDG-PSOE do Incio urxe á  Xunta de Galicia para que realice o antes posible as probas PCR os veciños do municipio e deste xeito detectar o alcance real deste brote. Consideran inconcebible que nunha poboación con 1500 habitantes e con máis de 100 casos positivos, non se adoptara pola Consellería de Sanidade ningún tipo de medida restrictiva.

Afirman os socialistas que a Xunta de Galicia non pode eludir as súas competencias e aplicar o “Sálvese quen poda”. Ante esta situación de incerteza moitos veciños/as recorren a realizar test de xeito privado. “É imprescindible ademáis que a Consellería de Sanidade, para tranquilizar ós veciños/as do municipio facilite con transparencia e axilidade diariamente o número de  contaxios por municipios,” sinalan. Instan á Xunta de Galicia para que poña en funcionamento a aplicación Radar Covid e que a aplique de xeito experimental no Incio.

Dende o Grupo Municipal do PSDG-PSOE tamén amosan a súa preocupación pola volta ás aulas do Colexio do Incio, cando falta pouco máis dunha semana para o seu inicio. “En que condicións de seguridade se vai a realizar? Se a día de hoxe se descoñece o alcance do brote fóra da Residencia.”