Segundo os datos oficiais facilitados polo Sergas este martes, 1 de setembro, recibe alta por curación o traballador da residencia de Paradela que se infectara no gromo do Saviñao e que precisamente hai un mes se daba como volta de casos activos de coronavirus ás residencias do sur da provincia.
Mantéñense como casos activos nas residencias, 89 usuarios e 27 traballadores da residencia do Incio e 1 traballador da residencia DomusVi de Monforte.
O Hospital Comarcal de Monforte mantense sen ingresados por Covid19, pero o HULA xa conta con 30 hospitalizados e 1 no Hospital da Mariña. 4 persoas están na UCI por coronavirus. A provincia conta con 724 casos activos en domicilio e segue sendo a área sanitaria de Lugo na que máis aumentan os casos ao darse 36 casos novos, se ben contabilízanse 26 ao producirse 10 altas.