HomesociedadeO Concello do Incio agasalla con bolsas personalizadas aos alumnos do CEIP...

O Concello do Incio agasalla con bolsas personalizadas aos alumnos do CEIP Ricardo Gasset

As instalacións do centro foron adaptadas á normativa e cumpren co protocolo anti-covid para garantir unhas aulas seguras.

Publicado o

POR
Redacción
- Advertisement -

O Concello do Incio vén de facerlle entrega ao CEIP Ricardo Gasset de bolsas personalizadas co nome de cada un dos nenas e nenas que a partir deste xoves inician o curso escolar 2020-2021.

As riñoneiras foron personalizadas cos seus nomes e cada unha ten unha cor que se corresponde con cada unha das aulas que ten o centro, que este ano suma 24 alumnos e alumnas.

O Goberno local pretende con este agasallo facilitar o período de adaptación ao alumnado con este material no que cada neno pode gardar as súas pertenzas. A maiores, incorpora unha bolsiña na que poden gardar as máscaras cando van ao comedor.

Ao mesmo tempo, o centro arranca o curso tras ter adaptado todas as medidas e o protocolo anti-covid, o que garante que as aulas sexan seguras. Así, instaláronse dispensadores de xel, disponse de termómetros, sinalización e carteis informativos e outro material complementario para que toda a comunidade educativa poda cumprir as normas.

Colexio do Incio protocolo anticovid / concello do Incio

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...