IniciosociedadeOs socialistas esixen no Parlamento a reapertura do centro médico de Oural

Os socialistas esixen no Parlamento a reapertura do centro médico de Oural

A atención sanitaria no concello de Sarria vén sufrindo nos últimos tempos unha degradación constante, segundo apuntan os socialistas, "ata o máis básico, como é conseguir unha cita no centro médico convértese nunha odisea. Algunha persoa veciña ten denunciado realizar máis de 23 chamadas rexistradas no seu móbil para conseguir unha cita para o centro médico."

Publicado o

POR
Redacción
- Advertisement -

A esta situación súmase que neste concello permanece pechado o Centro de Saúde de Oural, que dispoñía dun consultorio, con persoal para atender a unha consulta médica, ata o ano 2011 en que foi pechado polo Goberno da Xunta de Galicia. A atención ofrecida nese consultorio incluía non so ás persoas desta parroquia, senón de ata 8 parroquias adxacentes, acumulando un volume de pacientes en torno aos 1200.

Oural está a máis de 9 quilómetros do Centro de Saúde de Sarria, que lle corresponde agora aos veciños e veciñas desta parroquia, ao que cabe engadir a non existencia dun transporte público que permita este traslado con relativa facilidade. “Si a isto se engaden variables demográficas, como o avellentamento da poboación, a importancia de reabrir o consultorio pódese entender de maneira máis clara”, apuntan desde o PSOE.

“O peche sorpresivo, no ano 2011, polo goberno popular de Núñez Feijóo, do Centro de saúde de Oural é outro claro exemplo do desmantelamento da sanidade pública por parte da Xunta de Galicia, a pesar de estar obrigada a ofrecer a todos os galegos e galegas unha sanidade pública de calidade e eficaz,” sinalan os socialistas.

Por todo o exposto, o Grupo Parlamentario dos Socialistas de Galicia presenta a seguinte proposición non de lei para o seu debate en Pleno, que o Parlamento inste á Xunta de Galicia a:

  1. Iniciar os trámites para a apertura dun novo consultorio sanitario na parroquia de Oural que poida cubrir a necesidade de atención primaria na contorna.
  2. Garantir a correcta atención primaria no concello de Sarria, dotando a estes servizos médicos dos profesionais sanitarios precisos para que a veciñanza de Sarria poida ser atendida con todas as garantías médicas.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...