A situación sanitaria xeral trae consigo que este ano non haxa Festas do Carme en Sober tal e como se viñan celebrando nos últimos anos.

Por iso o Concello preparou unha programación cultural e relixiosa que substitúe ás tradicionais Festas. Haberá misa solemne os dous días, o sábado 19 e o domingo 20, na Igrexa Nova ás 13.00, música e dous espectáculos familiares, os dous na Praza do Toural ás 19.00 horas. O domingo haberá pasarrúas coa Banda e Música de Sober e a de Chantada.

O Goberno local recorda a importancia de seguir cumprindo coas normas hixiénico-sanitarias, como gardar a distancia, o lavado frecuente de mans e o uso da máscara.