As persoas interesadas en que Papá Noel visite as súas casas este Nadal deberán solicitalo na Casa do Concello ou a través do teléfono 982 45 20 61 antes do 11 de decembro.
O alcalde, Carlos Armesto, explica que “os nenos e nenas que se apunten deberán saír a recibir a Papá Noel á porta do seu domicilio”.
Papá Noel cumprirá tamén as medidas de prevención fronte á covid-19 establecidas polas autoridades sanitarias como é o uso da máscara e de xel hidroalcólico, ademais de manter o máximo posible a distancia de seguridade entre as persoas. Neste sentido, o rexedor recorda aos veciños a importancia de cumprir con estas medidas para evitar posibles contaxios.
En función da evolución da pandemia, pode haber variacións na programación desta actividade.
