Os alcaldes e alcaldesas de Burela, Chantada, Monforte, Lugo e Viveiro, os cinco concellos da provincia nos que se están a aplicar as restricións adoptadas pola Xunta de Galicia o pasado 6 de novembro, foron citados polo conselleiro de Sanidade, Julio García Comesaña, para unha videoconferencia o vindeiro xoves, 19 de novembro, ás 10.30 horas, a fin de abordar a situación epidemiolóxica.

Despois da reunión do comité clínico deste martes non se variou a folla de ruta, polo que se manterán o peche da hostalería e o confinamento perimetral destes municipios alomenos ata venres, día do seguinte encontro. Monforte e Chantada están, ao igual que Burela, en aviso laranxa, mentres que Lugo e Sarria permanece en alerta vermella. Toda a información no Xornal da Mariña.