De todas as localidades libres de coronavirus, a gran maioría -un total de 40- correspóndense coa provincia de Ourense. Segundo se desprende do mapa que actualiza diariamente a Consellería de Sanidade, este número supón que o 43,5% dos municipios ourensáns levan dúas semanas sen detectar positivos.
Tras Ourense, está Lugo como segunda provincia con máis concellos que non detectaron casos de coronavirus en dúas semanas, un total de 14 –o 20,9% das 67 localidades que a compoñen–. Trátase de Cervantes, Folgoso do Courel, A Fonsagrada, Navia de Suarna, Negueira de Muñiz, As Nogais, Ourol, Pedrafita do Cebreiro, Ribeira de Piquín, O Saviñao, Sober, Trabada, Triacastela e O Vicedo. Así, retiráronse da listaxe lucense Baleira, Muras, O Páramo, Portomarín e Riotorto, por rexistrar polo menos un positivo nos últimos 14 días. Toda a información no Galicia Confidencial.
