Este Ilustre Colegio de Geólogos aprobaba en asemblea xeral esta distinción ao alcalde quirogués no pasado mes de xuño. Entre os méritos enumeraban para entregar esta distinción, o artífice desde hai máis de 20 anos da sinalización do Pregamento de Campodola – Leixazós, cun miradoiro con carteis explicativos e a creación do Museo de Xeoloxía.
O Colegio Oficial de Geólogos de España entendía que conceder esta distinción, proposta polo xeólogo Juan Ramón Vidal Romaní, axuda moito a mellorar o apoio a súa profesión nesta comunidade, baseada en que o Museo de Quiroga foi o principal argumento para a concesión da figura de Xeoparque Montañas de Courel da Unesco, demostrando o interese pola xeoloxía da xente da zona e o apoio dos interesados na Xeoloxía do Courel. Tamén destacaban que a Cámara Mineira de Galicia lle concedera un premio como entidade destacada no apoio da Xeoloxía e da Minería.
A entrega terá lugar o venres día 18 de decembro no cóctel de Nadal que se celebrará na sede do Ilustre Colegio Oficial de Geólogos en Madrid.
