Un desprendemento rexistrado á altura de Crecente obrigou a desviar os trens da liña que une os municipios de Monforte e Vigo. Así o informou a través do 112 Galicia o persoal de seguridade de Renfe, sobre as 16,00 horas deste venres.

O suceso, detectado na Frieira, provocou algúns danos na vía férrea e na súa contorna, que obrigaron a desviar parte dos convois. Os axentes da Policía Local acordoaron a zona como medida de protección mentres os técnicos traballaban os danos.