Segundo despréndese do mapa que actualiza diariamente a Consellería de Sanidade, máis da metade (48) dos municipios galegos sen novos positivos por coronavirus nas últimas dúas semanas sitúanse na provincia de Ourense, pero son seis menos que os 54 do pasado sábado.
Tras Ourense, con máis da metade dos concellos libres de Covid, está Lugo como segunda provincia con máis localidades que non rexistraron positivos en 14 días, un total de 27 -o 40,3% das 67 que a compoñen-, mesma cifra que hai unha semana.
Deses catorce, no territorio do sur de Lugo temos aos seguintes: Folgoso do Courel, O Incio, Paradela, O Páramo, A Pobra do Brollón, Quiroga, Ribas de Sil, O Saviñao e Triacastela.
Desta listaxe caeron Barreiros, O Corgo, A Fonsagrada, Friol, Meira, A Pontenova, Trabada e O Valadouro, ao romper a serie de dúas semanas sen positivos. Toda a información no Galicia Confidencial.
