Dende o BNG no sur da provincia apoiaron a concentración á que asistiron diferentes cargos orgánicos e institucionais desta formación, entre eles a Deputada no parlamento de Galiza Carme Aira e o Deputado provincial Efrén Castro. “As administracións teñen que adaptarse ás realidades socioeducativas e non ao revés”, insisten desde o BNG.

Segundo sinalan deste o BNG, “Este plan deixa ao descuberto a desidia dunha administración á que a vida no rural lle é molesta, pechar as rutas actuais de Folgoso é un desastre socio laboral inmediato e un precedente para mermar servizos nas aldeas da montaña que afonda máis aínda na crise demográfica.”

“Non é razoable deseñar dende un despacho rutas idénticas para a unha cidade ou un chaira que para a serra do Courel, isto é unha mostra máis do que lle importa ao PP o deserto demográfico courelao e lucense”, declara Rosa Ana Prieto Florines, responsable comarcal do BNG nas comarcas do Sur de Lugo.

Anuncian dende esta formación política que farán seguimento nos Parlamentos galego e Europeo, para avaliar as posibilidades de reconducir esta inxustiza.