A Asociación de Familiares de Enfermos de Alzheimer, que conta con 9 traballadores, dá servizo a 150 usuarios e usuarias dos concellos de Chantada, Taboada e Carballedo. A diferencia doutras entidades e programas destinados a persoas afectadas por esta enfermidade, este colectivo presta tamén servizo a domicilio. Un modelo asistencial que ofrece seguridade aos enfermos no contexto da crise sanitaria e que redunda na súa calidade de vida.

Entre as atencións que reciben os doentes, a asociación tamén forma a través de novas tecnoloxías para complementar os coidados coa realización de actividades terapéuticas e ensinalos a acceder a diferentes recursos adaptados ao grao de desenvolvemento da enfermidade.