IniciosociedadeAmpliación de vías para potenciar as mercadorías no tramo Monforte-León

Ampliación de vías para potenciar as mercadorías no tramo Monforte-León

Adif adxudicou a redacción dos proxectos de construción para a ampliación de vías de apartado en varias estacións do tramo León-Monforte de Lemos, na liña de ancho convencional León-A Coruña. Nun ano que a subdelegada do Goberno, Isabel Rodríguez, considera "o ano do ferrocarril en Lugo".

Publicado o

POR
Redacción
- Advertisement -

O obxectivo, segundo explica Adif, é potenciar o tráfico de mercadorías no corredor León-Monforte-Porto de Vigo. O fin desta actuación é ampliar ata 750 metros unha das vías nas estacións co fin de que os trens de mercadorías da devandita lonxitude poidan quedar apartados nela, deixando libre a vía xeral, dado que a liña León-A Coruña está configurada en vía única.

As estacións incluídas no proxecto son as de Astorga, Brañuelas, Albares, Ponferrada, Quereño, Vilamartín de Valdeorras (Ourense) e A Pobra do Brollón (Lugo), nesta última suprimirase un paso a nivel.

As obras foron adxudicadas á empresa Técnica e Proxectos (TYPSA) por un importe de 738.794,54 euros. Para o desenvolvemento dos traballos previuse levar a cabo unha análise funcional previa, que confirmará as estacións seleccionadas e servirá de base para coordinar os traballos co resto dos subsistemas implicados (electrificación, control de tráfico e sinalización).

Ademais, atópanse en redacción de proxecto outras actuacións de ampliación en Vigo-Guixar, apartadero de As Gándaras, Tui, Filgueira, Barbantes, Os Peares e Monforte de Lemos. A subdelegada do Goberno en Lugo, Isabel Rodríguez, destaca que “o Goberno cumpre con Lugo e 2021 será o ano da mellora do ferrocarril”. Neste sentido, remarca que Adif licitou obras por 206,6 millóns de euros na liña Lugo-Monforte-Ourense, mentres potencia esta semana o tráfico de mercadorías en Monforte.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...