O Concello de Sarria, a través da Concellería delegada das áreas de Educación, Festas, Muller, Mocidade e Integración, organiza o I Concurso de Fotografía de Entroido 2021.

Poderán participar todos os residentes en Sarria, os menores de 16 anos con autorización, enviando os datos persoais, número de teléfono, correo electrónico de contacto e unha fotografía disfrazado/a a omix@sarria.es entre os días 14 e 19 de febreiro.

A única condición é que os e as participantes aparezan disfrazados, de forma individual ou en familia, pois como xa é coñecido por todo o mundo a pandemia non permite ningún encontro entre non convivintes.

As gañadoras e os gañadores decidiranse nun sorteo entre todos os participantes e os premios serán 25, por importe de 100 euros cada un, para gastar en establecementos de Sarria. Unha vez presentadas as fotos, publicaranse nas redes sociais do Concello.

As bases están publicadas na páxina web do Concello de Sarria.