Un dos 20 alumnos/as que participarán na fase presencial da Olimpíada de Bioloxía en Vigo é Lucía Varela Méndez de Bacharelato Ciencias do IES da Pinguela. Esa fase realizarase o venres día 19 de febreiro.
Na fase clasificatoria, ademais de Lucía Varela, participaron as alumnas
Nuria Fernández e Lara Moure. Desde o centro felicitan ás tres “xa que realizaron un esforzo importante que seguro repercutirá nos seus coñecementos e no seu amor pola materia. Felicitamos tamén ó departamento de Bioloxía polo traballo realizado.”
A XVI Olimpíada de Bioloxía (Fase Autonómica Galega) convócaa a Asociación Olimpíada Española de Bioloxía (OEB) baixo o patrocinio da Consellería de Cultura, Educación e Universidade, Colexio Oficial de Biólogos de Galicia (COBGA), Facultade de Ciencias da Universidade da Coruña, Facultade de Bioloxía da Universidade de Santiago de Compostela, Facultade de Bioloxía da Universidade de Vigo, Directora do Grupo de Traballo de Bioloxía da Selectividade (CIUG) e Inspección de Educación da Xunta de Galicia.
