O sinistro polo que se interpuxo a demanda contra o Concello acaeceu o 13 de abril de 2018, cando M.R.L. ía camiñando pola rúa Compañía, á altura do nº 2, “cando ó cruzar o paso de peóns caeu ó chan por culpa do mal estado da vía, concretamente por un resalte de estaba situado máis ou menos no centro do paso de peóns, sufrindo como consecuencia de dita caída unha serie de lesións en xeonllo dereito e ombreiro dereito, de devanditos feitos foron testemuñas varias persoas”.

Ó lugar dos feitos acudiu unha patrulla da policía local que elaborou un informe e sacou fotografías do lugar dos feitos, e chamou ó 112 para que enviasen unha ambulancia, a cal trasladouna ó hospital comarcal. A persoa demandante pedía unha indemnización ó Concello de 17.660 euros.

Dende o Contencioso-Administrativo nº 1 de Lugo considerouse probada a caída na vía pública da persoa demandante, xa que a Policía Local de Monforte foi avisada do suceso, e tamén existe un parte de urxencias do hospital comarcal. Pero desestímase a demanda por “inexistencia de nexo causal” xa que, “el obstáculo que la reclamante califica como causante de su caída no alcanza la relevancia o peligrosidad necesaria para servir de nexo causal entre la caída que nos ocupa y los daños causados por esta y el normal o anormal funcionamiento de los servicios públicos”.

Dende o Concello, laméntanse as lesións que esta persoa puidera sufrir a raís deste tropezo fortuíto e desafortunado, e agárdase que non se produzan máis caídas deste tipo.

Pero tamén destácase que a xustiza lle dera a razón ó Concello, porque non todas as caídas que se producen son imputables ó mal estado das rúas.