IniciosociedadeO Supremo dálle a razón ao Concello de Bóveda ao rexeitar o...

O Supremo dálle a razón ao Concello de Bóveda ao rexeitar o IVE no canon da auga

"Non era xusto", di o alcalde que asegura que se trata dunha sentenza que abre o camiño a outros municipios

Publicado o

- Advertisement -

A Sección Segunda da Sala do Contencioso-Administrativo do Tribunal Supremo deu a razón ao Concello de Bóveda no seu recurso de casación contra o pago do IVE polo canon da auga, ao rexeitar que poida estar suxeito a este imposto.

En concreto, o Supremo conclúe que “non pode identificarse uso ou consumo con distribución de auga, motivo polo cal o uso ou consumo de auga non pode entenderse como unha entrega de ben ou prestación de servizo suxeito a IVE”, sinala fronte ao criterio mantido pola Administración Xeral do Estado e que levou ao consistorio a promover un recurso de casación.

A orixe do preito está na medida aplicada pola Administración Tributaria de practicar liquidacións polo IVE en cada un dos trimestres do exercicio de 2015 como consecuencia de incorporar á base impoñible do imposto o importe do canon da auga esixido pola Xunta.

Tras desestimarse as reclamacións administrativas primeiro e logo xurídicas no Tribunal Superior de Xustiza de Galicia (TSXG), agora o Supremo dá a razón ao concello. E é que na súa sentenza conclúe que “o IVE e o canon da auga non gravan o mesmo feito impoñible”.

“Polo que, en definitiva, non cabe a identificación de consumo ou uso por causa da afección ambiental, que é a operación gravada polo canon da auga, e a distribución de auga, que é a operación gravada polo IVE”.

SATISFACCIÓN NO CONCELLO

En declaracións a Europa Press, e sobre o contido do fallo, o alcalde de Bóveda, José Manuel Arias, mostrou a súa satisfacción polo feito de que se lles dea a razón. “Non era xusto pagar o IVE”, sentenza ao ser preguntado.

Admite que “pelexar contra Facenda daba algo de medo”, pero destaca o traballo legal por parte do avogado e o apoio de Augas de Galicia na súa reclamación pola medida da Axencia Tributaria. Da sentenza, resalta tamén que abre o camiño “a outros concellos”.

No caso de Bóveda, precisa que non estaban a cobrar o IVE por este concepto, “pero esixíannos o pago”, algo que non chegaron a realizar dadas as reclamacións que promoveron.

ÚLTIMAS

Sesión informativa sobre cambios normativos que lle afectan ás persoas con dano cerebral

A Federación Galega de Dano Cerebral (FEGADACE) vén de editar unha 'Guía legal' que recolle os principais...

Bóveda e A Pobra do Brollón acollen os actos de ‘conmemoración do combate de Repil’, episodio de represión franquista en Cereixa

O sábado, 20 de abril, terá lugar unha nova celebración dun acto pola recuperación...

34 candidaturas para a Gala do Deporte de Monforte

O pasado 29 de marzo remataba o prazo para inscribirse na convocatoria, foron 34...

Comezan as obras da residencia da Pobra do Brollón

A empresa Construcciones Castro Figueiró S.L.U. é a encargada de acometer os traballos, que...