Fabio dos Santos e Miguel González son os dous alumnos do ciclo Medio de Sistemas Microinformáticos e Redes que realizarán durante dous meses e medio o seu módulo de Formación en Centros de Traballo en empresas de Braga (Portugal), á vez que desfrutan dunha das becas Erasmus + da SEPIE (Ministerio de Educación) que o IES A Pinguela pon a disposición do seu alumnado de ciclos formativos de Formación Profesional.

Os alumnos xa empezaron a vivir esta experiencia, a pesar da situación sanitaria do país veciño. Formación que lles permitirá empaparse da cultura portuguesa con vivencias que non esquecerán. Volverán, se non hai novidades que o alteren, para as festas do San Antonio de Monforte.