O mal estado da estrada da Pobra do Brollón ao Incio chega ao Parlamento

O goberno da Pobra do Brollón e o grupo parlamentario do BNG presentaron ó Parlamento de Galicia unha proposición para instar á Xunta de Galicia a axilizar o asfaltado de dita estrada.

LU 653 BNG / concello da Pobra do Brollón

O mal estado da estrada autonómica LU-653 que une A Pobra do Brollón e O Hospital do Incio será levado ao Parlamento de Galicia. O asfalto da estrada está moi deteriorado, afectando á comunicación dunha decena de parroquias e 750 habitantes.

‘A LU-653 é unha vía fundamental para a comunicación das persoas e a vertebración socioeconómica do noso concello,’ afirma o alcalde da Pobra do Brollón, Xosé Lois Maceda. ‘É de vital importancia actuar xa para mellorar o seu estado porque está próximo a intransitable,’ apuntou.

A deputada parlamentaria Carme Aira, nunha visita á Pobra do Brollón, engadiu que o mal estado da estrada é ‘un perigo para a seguridade viaria’ que ‘esixe unha resolución inmediata’.

DEIXAR UN COMENTARIO

Please enter your comment!
Please enter your name here