O alcalde do Saviñao, Carlos Armesto, asinou esta martes, 11 de maio a acta de inicio das obras de renovación dun dos dous parques infantís de Escairón, o situado na rúa Xan de Forcados.

Trala sinatura da acta deron comezo as actuacións que consistirán na colocación dun chan acolchado acorde coa normativa, na substitución dos seus elementos por outros novos, na instalación dunha tirolina e na construción do seu peche perimetral. As obras dispoñen dun prazo de execución de 20 días.

O alcalde destaca que se trata dun “investimento importante” que suporá a mellora destas instalacións públicas que “estarán axiña dispoñibles para o seu uso por parte dos máis pequenos do municipio”.  Concretamente, esta actuación conta cun investimento de 102.218 euros