Os concellos que forman parte do Xeoparque continúan adiante coa planificación de investimentos que, baixo o paraugas “Terra”, estaban incluídos na folla de ruta aprobada para o Plan de Sostenibilidade Turística do 2020. A limpeza do Castro de Vilar en Folgoso do Courel, o acondicionamento do Castro de Penadominga en Quiroga, e a limpeza da Abadía benedictina de Ribas de Sil serán os tres lugares onde se intervirá.
A Dirección Xeral de Xuventude financia a iniciativa, na que participaran 12 mozos en cada campo de traballo de entre 18 e 30 anos de idade.
Estes campamentos complementarán as actuacións de xeoconservación que, a través do programa de voluntariado xuvenil celebrado a pasada fin de semana mais o programa de voluntariado ambiental que se desenvolverá no outono, servirán para achegar á mocidade a sensibilización pola conservación de Lugares do Inventario de Interese Xeolóxico do Xeoparque Mundial UNESCO Montañas do Courel.
