IniciosociedadeDenuncian á Domus VI de Chantada por agresión a un residente que...

Denuncian á Domus VI de Chantada por agresión a un residente que consideraba vulnerados os seus dereitos por “confinamento ilegal”

Publicado o

POR
Redacción
- Advertisement -

Amigos da persoa supostamente agredida representados no profesor coruñés de Xeografía e Historia, João Paulo Palomo Branco, e familiares e usuarias de residencias de maiores integradas na federación galega REDE, representadas polo presidente da organización, o xornalista Paulino Campos, presentaron senllas denuncias este sábado, 16 de maio, diante da Garda Civil e Xulgado de Chantada e Fiscalía Provincial de Lugo, contra a directora do xeriátrico DomusVi Chantada por presunta agresión, ameazas e coaccións dirixidas a este usuario.

Desde REDE aseguran que o usuario, puxera no seu coñecemento que “a dirección de DomusVi tiña confinados nas habitacións a 200 persoas maiores, aínda que o 95% delas deran resultados negativos nas distintas PCRs feitas neses días.” Segundo o presunto agredido “foi empurrado e acantoado contra parede violentamente pola directora do centro, nun claro acto de agresión física”, dí a denuncia, “polo que cominou á directora a rematar inmediatamente a acción agresiva e a que se puxera a unha distancia mínima dun metro, alomenos, como corresponde a medidas de seguridade e prevención na pandemia”.

O 12 de maio a situación agravouse ao confiscarlle o teléfono, bloqueando facer e recibir chamadas, polo que seus amigos do exterior quedaron preocupados.

Domus VI Chantada / REDE

REDE considera que este suceso amosa que en Galicia cada día vulnéranse nas residencias, os dereitos esenciais dos usuarios: dereito a unha comunicación libre, dereito á liberdade de expresión, dereito ó segredo das comunicacións, dereito á dignidade humana, o honor e á intimidade, e o dereito á liberdade e a seguridade. REDE pide o amparo da Xustiza e solicita que como medida urxente se lle devolva o teléfono libre de atrancos ao usuario. “O feito que a dirección da residencia vulnere a liberdade de expresión e o segredo das comunicacións, sen ter en conta a posición da Funga (Fundación Pública Galega para a Tutela de Persoas Adultas) é todo un síntoma do empoderamento que teñen estas operadoras.”

ÚLTIMAS

18.000 persoas pasaron pola Oficina municipal de Turismo de Monforte no 2023

Segundo os datos obtidos nas dependencias turísticas xestionadas polo Concello, no 2023 obtivéronse as...

O PP concéntrase na N-540 esixindo o seu arranxo

Desde o PP aseguran que apoian "as reivindicacións dos veciños de todos os concellos...

Dispositivo da Deputación de Lugo para afrontar as nevadas da fin de semana

A Deputación de Lugo está a traballar nas máis de 70 estradas provinciais afectadas...

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...