IniciosociedadeReformas no Colexio da Pobra do Brollón

Reformas no Colexio da Pobra do Brollón

A Consellería de Cultura, Educación e Universidade licitou o pasado 27 de maio o contrato das obras de reforma do Centro de Educación Infantil e Primaria (CEIP) da Pobra de Brollón.

Publicado o

POR
Redacción
- Advertisement -

O delegado territorial da Xunta en Lugo, Javier Arias, deu a coñecer no Centro Público Integrado (CPI) de Cervantes, outro dos centros beneficiados polos investimentos da Xunta, os detalles dos contratos e explicou que os traballos centraranse no incremento da eficiencia enerxética, a renovación de aseos e outras melloras de pintura e acabados.

Arias lembrou que as intervencións enmárcanse no Plan de Nova Arquitectura Pedagóxica de Galicia deseñado pola Consellería, unha folla de ruta que, a partir da aprendizaxe adquirida durante a pandemia, pretende avanzar cara a uns centros de ensino mellor acondicionados, con cabida para as novas metodoloxías e a educación dixital, e máis sustentables e confortables.

Así mesmo, subliñou que a aposta da Xunta polo rural “pasa tamén pola modernización dos centros educativos, para que conten co mellor equipamento e continúen medrando tanto en infraestruturas como en servizos”.

No Colexio da Pobra de Brollón investiranse 300.500 euros nun proxecto que contempla a substitución da cuberta inclinada de tella por outra de panel de aceiro con illante intermedio, a colocación de illamento sobre forxado, e outras actuacións para completar as medidas de mellora da eficiencia enerxética xa introducidas nalgúns espazos.

Así, substituiranse as carpinterías exteriores e persianas que non foron renovadas por outras que proporcionen un mellor illamento, e instalarase falso teito rexistrable acústico e iluminación LED nas aulas que non dispoñen deste sistema. Na cociña e no almacén colocaranse placas de xeso laminado. Finalmente, vanse renovar os aseos e pintaranse os paramentos afectados, beirados e soportal. O prazo de execución será de tres meses.

A Xunta de Galicia licita estas obras polo procedemento de urxencia para poder executalas durante o verán, co fin de interferir o mínimo posible no desenvolvemento da actividade docente.

ÚLTIMAS

Degustacións comentadas na XXIV Mostra do Aceite de Quiroga

A recreación da elaboración tradicional no muíño de Bendilló e a venda do aceite...

O PP esixe o “arranxo inmediato” da estrada LU-P-2903 en Bóveda: “Xa non poden circular camións ou tractores”

Os deputados do Grupo Provincial Popular de Lugo esixiron ao presidente da Deputación, José Tomé, o "arranxo inmediato"...

A candidatura da Ribeira Sacra a Patrimonio Mundial recibe o apoio da Secretaria de Estado de Turismo

A Secretaria de Estado de Turismo, Rosana Morillo, mostrou o seu total apoio á...

A Deputación destina 2,46M€ para a mellora de estradas provinciais

Xunta de Goberno da Deputación de Lugo aprobou este venres a adxudicación, por un...