A empresa adxudicataria destas é Sergonsa Servicios SL e o prazo de execución é de 12 meses. A institución provincial tivo que iniciar un novo proceso de licitación logo de que o anterior contrato debera resolverse por cuestións alleas á Deputación de Lugo.
A Deputación e o Concello da Pobra do Brollón asinaron o pasado outono a modificación do convenio de colaboración entre ambas entidades que recollía un cambio nas datas derivado da resolución do contrato anterior para a construción desta infraestrutura social.
O documento fixa agora como data límite o 31 de maio de 2022 para ter rematada e recibida esta residencia provincial. Así mesmo, a modificación tamén establece que o convenio terá vixencia ata finais do mes de xuño do 2022.
