O coñecido como “Sello vida saludable” é un recoñecemento público dos centros docentes, tanto públicos como privados sostidos con fondos públicos e privados, que fomenten a aprendizaxe da saúde no ámbito educativo. Tamén se lles recoñece con este distintivo a asunción de prácticas de vida saudable e unha educación física que permita o axeitado desenvolvemento persoal e social ao longo da escolarización do alumnado.
A validez da concesión deste distintivo a un centro docente esténdese con carácter indefinido sempre que por parte de ditos centros se manteña o cumprimiento das condicións e requisitos que deron lugar á súa concesión.
A orde que regula este recoñecemento contempla que “periodicamente, e polo menos cada dous anos, poderán realizarse revisións por parte do Ministerio de Educación, Cultura e Deporte, co fin de comprobar se se continúan cumprindo os requisitos que xustificaron a concesión”.
Tras cumprir todas as esixencias regulamentarias dispostas no apartado dous da Resolución de 23 de decembro de 2015 –que establece o procedemento para a concesión do distintivo de calidade ‘Sello Vida Saludable’– o IES A Pinguela certifica de novo a calidade dun entorno emocional e físico saudable.
