Participaron un total de 103 viños, 22 deles brancos, 2 rosados e 79 tintos. O panel de catadores estaba formado por unha ducia de profesionais de Galicia, Asturias, Uruguai e Italia. Os catadores destacaron a alta calidade de todos os viños, tanto os elaborados tradicionalmente coas variedades godello e mencía, como aqueles elaborados con outras variedades ancestrais como o branco lexítimo, merenzao, brancellao, sousón, etc.

Os catadores tamén fixeron especial fincapé no incremento de novas marcas dos chamados “Viños de Finca”, que en cata cega destacaron pola súa singularidade.

Os catadores terminaron a xornada cunha comida de harmonías dos viños catados con asador de sanmartiño e chuletóns de vacas vellas loura galega.