IniciosociedadeTirolina e Karts a pedais para premiar as compras no comercio monfortino

Tirolina e Karts a pedais para premiar as compras no comercio monfortino

Do 19 de xullo ao 2 de agosto, o CCU de Monforte agasallará aos clientes que merquen nos seus establecementos asociados vales para gozar de viaxes en Karts a pedais e para subir á espectacular Tirolina que atravesa a explanada da Compañía.

Publicado o

POR
Redacción
- Advertisement -

“Es un adicto/a as emocións fortes? Gustaríache saber que sente o teu corpo suspendido a varios metros de altura?”, así presentan dende a xerencia do CCU de Monforte as actividades pensadas para premiar o consumo no comercio local asociado.

As propostas son, vivir a experiencia de gozar duns divertidos Karts a pedais, e subir na xa coñecida “Tirolina do CCU”,  que se instalará Praza Campo da Compañía e que este ano será dobre.

Karts a pedais. Foto: CCU Monforte

COMO CONSEGUIR A TÚA ENTRADA?

Sendo unha actividade organizada polo comercio asociado de Monforte coa finalidade de premiar aos seus clientes e dinamizar o comercio local, as entradas só se poden conseguir facendo unha compra mínima de 10 euros nalgún dos 155 establecementos asociados ao Centro Comercial Urbano de Monforte. Cada entrada só dá acceso gratis a unha actividade, Tirolina ou Karts.

Ademais de conseguir de forma directa as entradas, tamén se contempla a posibilidade de que os seguidores e as seguidoras dos perfís das redes sociais do CCU de Monforte –Instagram, Facebook e Twitter– poidan acceder a algunhas que puntualmente se poidan agasallar.

PROTOCOLO COVID-19

Seguindo as recomendacións sanitarias, será obrigatorio o uso de máscara e cumprir todas as instrucións que indiquen os membros da organización.

HORARIO

A Tirolina dobre e os Karts a pedais, estarán abertos ao público no seguinte horario:

-Mañás: de 10.00h a 13.00h

-Tardes/Noites: de 19.00h a 24.00h

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...