Na casa da cultura de Taboada vense de presentar unha nova formación en Galicia, o Ciclo Formativo de Grao Superior de Marketing e Publicidade que se fai en colaboración co Centro Integrado de Formación Profesional das Mercedes en Lugo. 14 alumnos cos que se abe o ciclo combinarán a formación curricular do centro educativo cunha perspectiva práctica e remunerada no seo da empresa asentada en Taboada.

Trátase dunha aposta de futuro da empresa taboadesa dedicada á execución de proxectos de comercio electrónico. A iniciativa de formación de profesionais cualificados tentará que os seus futuros proxectos sexan todo o fortes para poder competir en mercados hiperespecializados, como son o estadounidense ou o chinés.

O seu obxectivo é ser unha referencia do comercio electrónico en España e en Europa. Entre as súas apostas está o fortalecemento dos seus departamentos que se encontran en continua evolución na súa adicación ao márketing e a publicidade.

Os alumnos compaxinarán a súa formación con prácticas remuneradas na empresa a partires deste curso nun proxecto inicial que abrangue dous anos completos.