IniciosociedadeAMAFER amplía os seus locais cunha axuda de 10.500 euros da Deputación

AMAFER amplía os seus locais cunha axuda de 10.500 euros da Deputación

Vense de inaugurar a ampliación da sede que a Asociación Monfortina de Amigos do Ferrocarril (AMAFER), ten na cidade do Cabe, unhas melloras que acometeu coa colaboración económica da institución provincial por importe 10.556€.

Publicado o

POR
Redacción
- Advertisement -

O Presidente da Deputación, José Tomé Roca, firmou no libro de honra e puxo en valor o traballo que desenvolve o colectivo dende 1996 “para salvagardar e poñer en valor a memoria ferroviaria da capital da Ribeira Sacra” e engadiu que “polas vías do tren viaxou sempre o futuro de Monforte e da provincia de Lugo”. Apuntou que “ser amigo do ferrocarril implica orgullo do pasado, confianza no presente e desexo de seguir medrando no futuro” e sinalou que “como Presidente da Deputación de Lugo estou convencido de que seguiremos convertendo esta amizade en colaboración e en capacidade para traballar xuntos pola nosa provincia”. 

A Deputación de Lugo colaborou con AMAFER cunha axuda de 10.556€ para a renovación e ampliación do seu local. A reforma consistiu en unirlle ao actual inmoble un conxunto de estancias anexas que lle proporcionarán máis amplitude ao pasar dos 111,70maos 153m2. Os traballos permiten a esta entidade contar cun espazo máis diáfano e acondicionado para o seu centro de documentación e tamén para actividades como exposicións, conferencias ou concursos literarios que se organizan no local.

No acto tamén estiveron presentes o director xerente da Fundación dos Ferrocarrís de España, José Carlos Domínguez, e o director da Asesoría Xurídica e Vías Verdes, Jesús Benítez. Esta fundación, constituída en 1985 co fin de recuperar, custodiar e difundir o patrimonio ferroviario, cedeu a AMAFER nove cadros de gravados que, tal e como explicaron os seus responsables, “son auténticas xoias con temática ferroviaria, pertencen á colección da fundación e foron cedidas polo coleccionista e propietario das obras, Luis Díaz Guerra”.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...