Metidos de cheo nas vendimas, Piensos Senra comezou tamén a súa tradicional campaña de venda de uva para particulares. Todos os seus establecentos: Monforte, na Rúa Benito Vicetto, 45 (tel. 982 40 07 68); Sober, na Praza do Toural, 2 (tel. 982 10 04 70); Ferreira de Pantón, na Estrada de Ourense, 64 (tel. 982 45 67 15) e Escairón, Rúa Valle Inclán, 8 (tel.982 45 27 23) dispoñen xa de uvas de Castela para abastecer aos seus clientes.
Segundo nos conta María José Senra, a súa xerente, o perfil de cliente que ten para esta campaña é “un produtor doméstico que fai viño propio e que busca darlle máis grao ao viño que fai dos parrais ou de viñas pequenas”. Entre as variedades que lle chegan de lugares como Toro ou Toledo están tintas como o tempranillo ou a garnacha e tamén distintas variedades de uva branca.
Ademais de vender a uva nos propios establecementos, ofrecen o servizo de entrega a domicilio e incluso o ‘despalillado’ para aqueles que non dispoñan da maquinaria necesaria para realizar este traballo.
A previsión é que a campaña se alongue ata principios de outubro, aí cara a ponte do Pilar, pero dependerá do tempo que se alongue a vendima este ano, que en principio vai algo adiantada.
75 ANIVERSARIO E NOVOS PRODUTOS
Piensos Senra segue a celebrar o seu 75 aniversario, unha efeméride moi importante para eles, e ofrecen dende o pasado 27 de abril artículos en oferta para agradecer a fidelidade dos clientes. Os artículos marcados cun tulipán teñen descontos especiais que non son de perder.
Aproveita María José tamén para dicirnos que ten á venda dende hai unhas semanas uns novidosos bebedoiros, especialmente pensados para animais que se crían ao aire libre: cabalos, vacas, porcos…
Os bebedoiros pequenos, de ata 100 litros, sempre tiveron saída, e agora comercializa uns de 500 e incluso 1000 litros que son de utilidade para explotacións de gando máis grandes.
“Son de formigón con ferro fundido e aguantan moi ben o frío e o calor”, dinos María José Senra dando a entender que resisten as inclemencias meteorolóxicas do noso territorio.
