IniciosociedadeFolgoso do Courel reclama ser incluído "zona lobeira"

Folgoso do Courel reclama ser incluído “zona lobeira”

O Pleno do Concello de Folgoso do Courel rexeita por unanimidade a orde ministerial de inclusión do lobo no listado de especies de réxime de protección especial.

Publicado o

POR
Redacción
- Advertisement -

O equipo de Goberno presentou no último pleno unha moción de urxencia contra a orde ministerial de inclusión do lobo no listado de especies silvestres en réxime de protección especial, ao tempo que pediron que o Ministerio habilite axudas para paliar os danos que cause esta especie e se subvencione a adopción de medidas de prevención establecidas no catálogo aprobado polo Ministerio.

Desde o Concello de Folgoso do Courel piden que se inclúa o Concello como zona lobeira á vista dos últimos ataques sufridos, o que demostra que cada vez hai máis exemplares desta especie. A iniciativa foi aprobada por unanimidade.

O pleno do concello tamén aprobou por unanimidade o calendario laboral de 2022 quedando os festivos da seguinte maneira:

  • Día 19 de agosto
  • Día 9 de decembro

O grupo de Goberno votou a favor da aprobación da Conta Xeral 2020, que se someteu ao Pleno en tempo e forma. Os grupos da oposición abstivéronse.

En relación coa moción de C@urel Vivo sobre a creación dun transporte para a educación secundaria pos obrigatoria, o equipo de Goberno explicou que non se trata dunha competencia municipal, ao tempo que recordou que está aberto o prazo para que todos e todas os estudantes de ensinanza pos obrigatoria poidan solicitar as axudas ao transporte que puxo en marcha o Goberno local e outras administracións.

Desde o Concello comprometéronse a estudar o aumento da partida municipal que se destina a estas axudas para poder chegar a todos os estudantes que se atopen fóra, con independencia de onde residan. A rexedora, Lola Castro, recordou ademais que Folgoso do Courel foi o único Concello da provincia que asumiu o pagamento do transporte para acudir á vacinación COVID a quen lle fixo falla. Tampouco saiu adiante a moción de C@urel Vivo sobre a celebración das sesións plenarias. O equipo de Goberno recorda que se trata dun acordo do Pleno de Organización do ano 2019.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...