Iniciosociedade"Ribeira Sacra: un paso adelante y otro paso atrás", accésit para o...

“Ribeira Sacra: un paso adelante y otro paso atrás”, accésit para o IES A Pinguela nun concurso internacional

Desde o IES A Pinguela felicitan ao equipo por este importante premio internacional, que se suma a outros conseguidos polo Club de Letras durante o curso anterior.

Publicado o

POR
Redacción
- Advertisement -

O Club de Letras do IES A Pinguela, capitaneado pola alumna de 1º BAC Humanidades Paula Rodríguez, xunto con Alba Hermida, Carla Lóperz e Jenifer Vilariño, titorizadas pola profesora de Lingua Galega, Mª José Vidal Álvarez, obten un accésit no XIV concurso europeo de Historia para a mocidade Eustory 2020/21 co traballo “Ribeira Sacra: un paso adelante y otro paso atrás”.

Realizaron unha investigación socioeconómica xeral derivada da falta de traballo e empresas na contorna e as crises trala pandemia así como a problemática laboral que supuxo. Fixeron un compendio de entrevistas (Adega-tapería Tear, Cervexas Chacueca, Os Píkaros de Chantada, Casa Loureira, Berso de Sober, Casa Antonio e Casa da Vila de Pantón, Abrente Comunicación, Festival 13 Roeis Fest de Pantón, Gestoría 3M,..  e incorporaron experiencias de Casa da Fonte, Gandaría López, Mel do Castro, Cantina de Meán no Saviñao e Cantina de Julia na Pobra do Brollón…) e buscaron información sobre empresas novas e doutras que se viron obrigadas a reinventarse ou cerrar, facendo visible a necesidade de apoio económico neste ámbito xeográfico que ademais pretende ser Patrimonio da Humanidade polo que xuntaron referencias ó románico, patrimonio medieval de Monforte, rede de miradoiros, paisaxe, flora e fauna, árbores senlleiras, etc.

Eustory Iberia, impulsada pola Fundación alemana Körber-Stitfung, convocou o concurso durante o curso pasado 2020/21. O tema desta convocatoria foi “Trabajo y crisis” e conta con participación de asociacións e de estudantes de Alemania, Bélxica, Bielorrusia, Bulgaria, Chequia, Dinamarca, Eslovaquia, Eslovenia, Estonia, Finlandia, Francia, Georgia, Irlanda, Israel, Italia, Letonia, Moldavia, Noruega, Polonia, Reino Unido, Rumanía, Rusia, Servia, Suecia, Suiza, Ucrania, Portugal e España. Este concurso anima a estudantes de secundaria e bacharelato a investigar para que reflexionen sobre a súa contorna. “Aprender investigando” é o concepto básico que subxace en todalas súas competicións.

O accésit ten un premio de 200 € así como a posibilidade de participar nos seminarios internacionais –foros de encontro e debate sobre temas da historia europea– xunto a mozos de 30  países do continente. Pódese ampliar información na web  http://eustory.es/

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...