O IES A Pinguela vén de organizar, a través do Departamento de Lingua Galega, unha interesante charla relacionada coa música tradicional a cargo do músico Xosé Maceda.

No seu encontro co alumnado de 1º da ESO, abordou a tradición oral galega, a memoria das feiras e a contribución dos cegos á tradición musical e literaria popular.

Acompañado da súa zanfona, ofreceu ademais un pequeno concerto didáctico no que o alumnado puido participar de xeito lúdico.

Xosé Maceda foi un dos membros do mítico grupo Quempallou, leva anos compartindo os seus coñecementos sobre a música tradicional e ofrece formacións sobre construción de instrumentos tradicionais relacionados coa percusión.