IniciosociedadeA administración "pasándose a bola" mentres no CEIP Xoán de Requeixo séguese...

A administración “pasándose a bola” mentres no CEIP Xoán de Requeixo séguese demandando xornada continuada

En xaneiro do vindeiro ano moitos pais e nais afectadas esperan que se aprobe no centro a iniciativa da xornada continuada, "quero entender que vai pasar o claustro, o consello escolar e o informe de mobilidade. Non ten sentido que se opoñan," considera a representante de nais e pais no Consello Escolar, Diana Iglesias.

Publicado o

- Advertisement -

O CEIP Plurilingüe Xoán de Requeixo no curso académico 2020-2021 solicitou que se lle concedera a autorización excepcional por Covid-19 para facer xornada continuada. Autorización que veu concedida pola Xefatura territorial de Lugo.

Para o curso 21-22 a maioría das nais e pais contaban seguir igual que o curso anterior porque o protocolo é moi similar, pero o alumnado comezou coa xornada partida e as problemáticas correspondentes para que centro, alumnado e pais poidan cumprir os protolos da pandemia.

A representante de nais e pais no Consello Escolar deste centro, Diana Iglesias, lembra que en xuño deste ano fixo unha sondaxe entre as familias para coñecer as preferencias de horario e así poder volver solicitar a xornada continuada excepcional por mor da Covid-19. A sondaxe feita con nome, apelidos e firma deu unha ampla maioría á xornada continuada, cun 62% das familias a favor, un 12% en contra e un 25% abstívose.

Con eses resultados e as dificultades para cumprir os protocolos sanitarios no comedor e no recreo, solicitóuselles ao inspector do colexio e á xefa territorial de Lugo, que se concedera o horario continuado excepcional. Entre outras limitacións, a representante dos pais e nais asegura que teñen 10 colaboradores de comedor para 18 grupos e que o centro non conta con zonas cubertas para que o alumnado poida respectar as distancias nin os grupos nos días de climatoloxía complicada.

Diana Iglesias afirma que insistiu na necedidade de tomar medidas e poñer xornada continuada, tanto coa xefa territorial como coa Consellería de Educación e que telefónicamente ambas as partes “pasáronse a bola” afirmando que a competencia era da outra parte.

“Dende xullo alguén volveu mirar polo protocolo que teñen que seguir cativos e cativas dende os 3 anos?”

Nesta situación as persoas afectadas xa están vendo como seus fillos teñen que “permanecer no centro obrigados 2 horas máis sen que o centro poida garantir que se cumpre o protocolo que Educación establece.” No curso pasado a xornada continuada permitía recoller aos rapaces antes de xantar e o comedor escolar reducía a a afluencia á metade.

Xoán de Requeixo / cedida

Para poder cumprir co protocolo na maior medida posible, a dirección do centro pediu catro coidadores do comedor e acaban de concedérselle. Pero unha ampla porcentaxe de pais e nais segue demandando que se escoite a súa reclamación de xornada continuada, “sinceramente pensei en reivindicarnos sacándonos a máscara a partir das 14.30, pero a responsabilidade caería no colexio e non son culpables. Ademais non podes non mandalos despois desa hora porque é absentismo, e facer unha mobilización tampouco o vexo,… Que podo facer eu?,” pensa Diana Iglesias.

“Dende xullo alguén volveu mirar polo protocolo que teñen que seguir cativos e cativas dende os 3 anos?. Parece que a vida mellora para todos salvo para os cativos que son os grandes guerreiros abandonados. Paréceme que é fundamental xa que eles foron os que mellor cumpriron as normas,” conclúe Diana Iglesias.

ÚLTIMAS

Degustacións comentadas na XXIV Mostra do Aceite de Quiroga

A recreación da elaboración tradicional no muíño de Bendilló e a venda do aceite...

O PP esixe o “arranxo inmediato” da estrada LU-P-2903 en Bóveda: “Xa non poden circular camións ou tractores”

Os deputados do Grupo Provincial Popular de Lugo esixiron ao presidente da Deputación, José Tomé, o "arranxo inmediato"...

A candidatura da Ribeira Sacra a Patrimonio Mundial recibe o apoio da Secretaria de Estado de Turismo

A Secretaria de Estado de Turismo, Rosana Morillo, mostrou o seu total apoio á...

A Deputación destina 2,46M€ para a mellora de estradas provinciais

Xunta de Goberno da Deputación de Lugo aprobou este venres a adxudicación, por un...